Ish ushtarët e mbrojnë luftën e Shefket Musliut dhe të UÇPMB-së

Gjilan – Organizata e Veteranëve të Luftës së UÇPMB së i bënë thirrje ish Komandantit të Shtabit të përgjithshëm Shefket Musliu që mos i përgjigjet dhe të mos i jep llogari EULEX-it.

Në një reagim të ish ushtarëve dhe veteranëve të luftës thuhet se Organizata e Veteranëve të Luftës me gjithë popullin që kemi mbrapa, besojmë në Luftën e shenjtë dhe moralin tënd udhëheqës që i bëre një ushtrie të lavdishme e cila nga organizatat ndërkombëtare jo rastësisht emërtohet “Lufta më e pastër” e një Guerilje e cila diti të respektoj gjitha rregullat konforme të luftës.

Në reagim thuhet se i bëjmë thirrje edhe EULEX-it që mos t`i merr për bazë ato akuza të trashëguara nga UNMIK-u e të Fabrikuara nga Beogradi. “Mos luani me ndjenjat tona siç gabuan të tjerët dhe mos e përsëritni të njëjtin gabim të cilët për nëntë vite e mbajtën peng të politikës serbe . Ata e dënuan për një dëshmitar narkoman i cili deshi ta helmoj Rininë Shqiptare dhe me një dëshmitar tjetër bashkëpunëtor i BIA së i cili kurrë nuk ka pas kontakte me Komandantin , por dëshmia e tij është pranuar si dëshmi që është dhenë në Beograd dhe kurrë asnjëherë nuk dëshmoi direkt në seancat gjyqësore”.

Besojmë që EULEX-i nuk do ta përsëris ketë gabim , po ashtu besojmë që edhe Qeveria e Kosovës do t`i ndihmoj këtij procesi gjyqësor që një herë e përgjithmonë të mbyllet ky rast sepse edhe ata edhe ne si popull i dimë vlerat e Shefket Musliu. Nuk po kërkojmë mëshirë por mbyllje të rastit sepse me këto akuza po tentohet të njolloset një figure e ndritur e popullit Shqiptar. Ne ish ushtarët eprorët, komandantët dhe gjithë familjarët e Dëshmorëve kemi një porosi për ty Komandant Shefket Musliu “Komandant mbahu ne jemi me ty ashtu sikurse në ditët e Luftës ashtu edhe sot “EULEX nëse ndodh diçka e pa pritur që kurrsesi nuk duhet të ndodh atëherë nuk garantojmë paqe në Rajon. EULEX nëse je për paqe mos harro ai ishte nënshkrues i paqes thuhet në reagimin e OVL të UÇPMB-së./rajonipress/