Fundamenti

Ish-ministrja e Integrimeve Evropiane: Për kryeneçësi të liderëve të papjekur, nuk e meriton të ndëshkohet populli

/ 2 minuta lexim
Uji Dea

Ish-ministrja e Integrimeve Evropiane, Mimoza Ahmetaj tha se populli nuk e meriton të ndëshkohet për kryeneçësi të liderëve të ‘papjekur’.

Ajo në RTV21 tha se liderët e shteteve anëtare nesër (premte) do të dalin me konkludimet e këshillit dhe sipas saj “ne do ta shohim vetën në pasqyrë se si do të dalim”.

“Unë uroj dhe dëshiroj për shtetin tim që kurrë të mos ketë masa, sepse nuk e meriton populli, nuk e meriton që për kryeneçësi të liderëve të papjekur të ndëshkohet populli”, tha ajo.

Zyrtarë të BE-së kanë paralajmëruar se gjatë kësaj jave do të shpallin disa masa ndëshkuese ndaj Kosovës, për shkak se Prishtina nuk ka ndërmarrë hapa për të shtensionuar situatën në veri.

ARKATANA

Ahmetaj për dialogun në Bruksel: Me Mustafën e Thaçin me orë të tëra është negociuar qoftë edhe për një fjalë

Ahmetaj tha se me kryeministri, Albin Kurti nuk ka një dialog të mirëfillt në Bruksel, ndërsa theksoi se paraardhësit e tij kanë dialoguar me orë të tëra qoftë edhe për një fjalë dhe gjithmonë në koordinim me parterët ndërkombëtarët.

“Me orë të tëra kemi qëndruar të mbyllur deri në 17 orë kur edhe janë arrit edhe ato marrëveshje, pavarësisht kritikave ne kemi arritur të mbajmë zgjedhje në veri, pjesëmarrjen e zgjedhjeve, vendosjen e dy pikave doganore në veri…Mbaj mend me saktësi diskutimet e gjata dhe debatet në detale, ka pasur momente me orë të tëra bashkë me kryenegociatoren, Tahiri, po ashtu me kryeministrin Mustafa apo edhe presidentin Thaçi që për orë të tëra është negocuar për ndonjë fjalë apo fjali për çështje të caktuara me qëllimin e vetëm që të mos na bëhet ndonjë anashkalim apo të na rrëshqet ndonjë gabim dhe të gjitha këto janë bërë në harmonizim të plotë me SHBA-të dhe Shtetet anëtarë të cilat jo pak kanë qenë përkrahëse në Bashkimin Evropian”, tha Ahmetaj.