Ish-ministri i Integrimeve Evropiane: Qeverisë po i mungon dija dhe eksperienca në politikën e jashtme

Ish-ministri i Integrimit Evropian Bekim Çollaku, ka thënë se qeverisë i mungon dija dhe eksperienca në politikën e jashtme.

Çollaku tha në Info Magazine se për këtë shkak kjo po reflekton në bërjen e gabime amatoreske të cilat s’po munden që t’i fshehin dot.

“Vizitat tek shtetet mike nuk duhet ta shqetësojë askënd, Sepse ne prioritet gjithmonë duhet t’i kemi shtetet mike por mbi të gjitha partnerët tanë strategjikë. Mirëpo edhe kur po shkojnë tek shtetet mike por edhe tek partnerët strategjikë në vend se t’i thellojnë bashkëpunimin dhe të bëjnë diçka që është bërë deri më tani, ata po bëjnë skandale të natyrave të ndryshme. Por, mbi të gjitha atyre po ju mungon dija dhe eksperienca dhe këto pastaj po reflektojnë në gabimet amatoreske që po i bëjnë dhe që nuk fshihen dot”, thotë Çollaku, transmeton Klan Kosova.

Këtyre ditëve edhe presidentja e Kosovës Vjosa Osmani, kryeministri Albin Kurti dhe ministrja e Jashtme Donika Gërvalla, gjenden për vizitë zyrtare jashtë vendit.

Shpërndaje.
© RAJONIPRESS