Ish-kryetari i FHK-së Mexhit Devaja uron hendbollistët e Kosovës

Ish-kryetari i FHK-së, Mexhit Devaja dhe kryetar nderi i FHK-së, ka uruar hendbollistët e Kombëtarës së Kosovës U21 dhe U19 për rezultatet e arritura.

Siç dihet Kombëtarja e U21 ka mposhtur Taipein Kinez në finale IHF Trophy Intercontinental, duke u kualifikuar në Kampionatin Botëror i cili do të mbahet në Spanjë “Spanja 2019”.

Rezultate të kënaqshme kanë arritur edhe Kombëtarja U19 duke u stolisur me medaljen e bronztë duke e mposhtur Kanadën me rezultat 32-26.

Ish-kryetari i FHK-së, Mexhit Devaja, në urimin e tij drejtuar djelmoshave të rinjë të Kombëtares së Kosovës thuhet:
“Është një ditë historike për hendbollin e Kosovës kualifikimi i Kombëtares së Kosovës në një element të madh siç është Kampionati Botëror, është kjo ditë e madhe ashtu siç filluam rrugëtimin tonë drejt ndërkombëtarizimit të hendbollit, jam shumë krenar me këta djelmosha të talentuar për rezultatin e arritur, të jesh pjesë e një Kampionati Botëror dhe të përfaqësosh shtetin në festivalin më të madh të hendbollit botëror dëshmon se sakrifica e të gjithë atyre njerëzve që e arritën hendbollin në ditën e sotme në piedestalin më të lart botëror është një nder i madh.

Poashtu nga zemra uroj edhe Kombëtaren U19, e cila fitoi medaljen e bronzet duke dëshmuar se shteti ynë ka talent të mëdhenj në lojën e hendbollit.
Më lejoni nga zemra me plot dashuri t’ju uroj për sukseset e juaja, duke na bërë krenar me paraqitjet e juaja”, ka theksuar ish-kryetari i FHK-së dhe kryetar nderi i FHK-së, Mexhit Devaja./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).