Ish-futbollisti italian: Dëmtimi i Strakoshës është mashtrim, ka dalë pozitiv me koronavius

Ish-futbollisti italian, Massimo Brambati, ka thënë se portieri Thomas Strakosha nuk është dëmtuar, por ka rezultuar pozitiv me koronavirus, transmeton zeri.info

Mediet italiane kishin shkruar gjatë ditëve të fundit se reprezentuesi shqiptar ishte lënduar në stërvitje, por Brambati thotë se lojtari nuk është dëmtuar, por është infektuar me koronavirus.

“Janë dy lojtarë që kanë dalë pozitiv me koronavirus, një i Milani dhe një i Lazios. Nga të kaltrit pozitiv ka rezultuar portieri Strakosha, për të cilin thonë se ka një dëmtim në këmbë, por nuk është e vërtetë. Ai bëri tampon dhe rezultoi pozitiv”, u shpreh Brambati.

“Unë nuk e di për Ibrën, por te Milani pozitiv ka rezultuar edhe Kessie. Meqenëse ai udhëtoi nga Afrika së bashku me Gervinho, u karantinua edhe ky i fundit”, shtoi ai./Zëri