Isa Mustafa uron 4 korrikun: Qytetarët e Kosovës do t’i jenë përjetë mirënjohës SHBA-ve
RajoniPress
19:05, 4 Korrik, 2018
Kreu i Lidhjes Demokratike të Kosovës, Isa Mustafa ka thënë se qytetarët e Kosovës e përjetojnë me ndjenja të veçanta respekti 4 korrikun, Ditën e Pavarësisë së ShBA-së.
Mustafa ka theksuar se Republika e Kosovës dhe qytetarët e saj do t’i jen përjetë mirënjohës ShBA-ve për rolin vendimtar në lirinë, pavarësinë dhe ndërtimin e shtetit të Kosovës, transmeton Indeksonline.
Postimi i plotë:
Qytetarët e Kosovës e përjetojnë me ndjenja të veçanta respekti 4 Korrikun, Ditën e Pavarësisë së SHBA-ve.
Vlerat dhe parimet më të larta njerëzore mbi të cilat u themelua dhe u ndërtua demokracia dhe kombi amerikan, u bënë udhërrëfyes për triumfin e lirisë dhe ndërtimin e shteteve tjera demokratike anekënd botës.
Republika e Kosovës dhe qytetarët e saj do t’i jenë përjetë mirënjohës SHBA-ve për rolin vendimtar në lirinë, pavarësinë dhe ndërtimin e shtetit të Kosovës.
Urime 4 Korriku!
Zoti i bekoftë Shtetet e Bashkuara të Amerikës! ????????
