Isa Mustafa sqaron takimet me Shpend Ahmetin e Fatmir Limajn

Kryetari i Lidhjes Demokratike të Kosovës, Isa Mustafa, ka folur për takimet e ndara me kryetarin e Nismës Socialdemokrate, Fatmir Limaj dhe kryetarin e PSD-së, Shpend Ahmetin.

Mustafa takimet e zhvilluara sot i ka cilësuar të dobishme për të vlerësuar momentet që po kalon Kosova.

Ai, në një postim në llogarinë e tij në Facebook, ka shkruar se iu ka bërë ftesë liderëve të këtyre dy subjekteve dhe se është e nevojshme të ndërtohet një kulturë komunikimi si shprehje e kulturës tonë demokratike.

Ndryshe këto takime vijnë tri ditë para seancës për shpërndarjen e Kuvendit të Kosovës.

Postimi i plotë:

“Miq të nderuar
Sot bisedova, në takime të ndara, me z. Fatmir Limaj, kryetar i Nismës Socialdemokrate dhe me z. Shpend Ahmeti, kryetar i PSD-së.
Takimet e tilla, konsideroj se, janë të dobishme për të vlerësuar bashkërisht momentet që po kalon vendi ynë, pa marrë parasysh kalkulimet partiake për zgjedhjet e ardhshme.
Dua të sqaroj se për ditën e sotme, ftesë për takim iu kam bërë liderëve të këtyre dy subjekteve, me të cilët edhe jam takuar.
Kemi nevojë të ndërtojmë një kulturë komunikimi si shprehje e kulturës tonë demokratike”, ka shkruar Mustafa.

Kurse kryetari i PSD-së, Shpend Ahmeti, sot ka nënshkruar marrëveshjen për koalicion parazgjedhor me AAK-në./Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).