Isa Mustafa, Lutës: Bacë u krye?

Gjilan – Lideri i LDK-së Isa Mustafa në tubimin përmbyllës në Gjilan tha se LDK do e marrë pushtetin vitin e ardhshëm në tërë Kosovën dhe do i japi namin tërë Kosovës. Gjilani me këtë pamje që po shoh sot nuk ka nevojë për balotazh, andaj Lutfi Haziri qysh tash po të them “Bacë u krye? tha Isa Mustafa. Lutfi Haziri tha se pas 3 nëntorit Gjilani nuk do të plaçkitet e as kushtëzohet sepse më 3 nëntor do t`i largojmë rrugaçët nga keqqeverisja.

Halla e sporteve “Bashkim Selishta” ka qenë e vogël për t`i zënë të gjithë adhuruesit dhe aktivistët e LDK-së. Në tubimin përmbyllës të këtij subjekti politik ku merrte pjesë Isa Mustafa me shoqëruesit e tij dhe këngëtaren Adelina Ismajli u tha se LDK-ja do ta marrë qeverisjen në tërë vendin dhe do të kthejë namin këtij vendi raporton rajonipress.

Kandidati i LDK-së për kryetar të Gjilanit Lutfi Haziri tha se na u desht ta bllokojmë Gjilanin për dy orë sepse na bllokuan stadiumin e qytetit, por nuk mundën të na bllokojnë këtë sallë.”Në Gjilan të gjithë janë bërë me LDK sepse janë quar në këmbë ushtarët e Ibrahim Rugovës dhe të gjithë ish zyrtarët e LDK-së dhe populli. Tani nuk do të lejojmë të sillemi si jetimë nga kjo parti e keqe në ikje. Gjilani nuk duron e as nuk mashtrohet dhe Gjilani nuk është fasadë” tha Haziri.

Haziri tha se Gjilani po plaçkitet, por më 3 nëntor do të pësojë keq edhe ai jabanxhija që po vjen 12 herë brenda javës këtu e po premton pa mbulesë. “Gjilani është i vetmi qytet që s`ka kinema , s`ka as bibliotekë, kurse Thaçi sot premtonte autostradë. Ne me Isa Mustafën kryeministër ju premtojmë autostradë , por jo nga Shkupi e Ferizaji, por Gjilan- Prishtinë”.

Lutfi Haziri i entuziazmuar nga turma e madhe tha se qeveria aziatike ka përfunduar sot në Gjilan dhe i ka bajtur plaçkat. “Punën do ta kryejmë të dielën dhe nuk do të ketë nevojë fare për balotazh dhe me fitoren tonë do ta ndalim rrënimin e diskriminimin që i është bërë Gjilanit për një kohë të gjatë” tha Haziri.

Haziri në fund tha se me votën e qytetarëve të Gjilanit më 3 nëntor do t`i largojmë rrugaçët nga qeverisja.

Kurse Isa Mustafa gjithashtu i entuziazmuar nga turma tha se Lutfi Hazirit qysh sonte po ia urojë fitoren.”Lutë bacë u krye” ishte urimi i Isa Mustafës.

Mustafa tha se Gjilani gjithmonë ka ditur të nderojë liderët e mirë dhe më 3 nëntor gjithashtu vendimi i juaj është historik sepse askush më nuk do ju ndalojë dhe askush më nuk do të përfitojë e terrorizojë në emrin e juaj”.

Mustafa ka apeluar tek KQZ dhe institucionet shtetërore që mos të lejojnë kurrfarë abuzimi me votat sepse pastaj të gjithë do të pësojmë. “Veprimet e kundërligjshme nuk do të tolerohen nga LDK-ja. Edhe tani së fundit Qeveria ka ndarë 4 milion euro për komunat e PDK-së, por ne nuk e dimë a janë ndarë për fushatë apo për nevoja tjera”.

Mustafa tha se LDK-ja do e marrë pushtetin vitin e ardhshëm kurse vendimi për Gjilanin është marrë sonte . “Gjilani nuk ka nevojë fare për balotazh kështu që mund t`ia urojë sonte fitoren Lutës” përfundoj Mustafa.

Masën e tubuar i ka argëtuar Adelina Ismajli./rajonipress/