Isa Mustafa: I lumtur dhe krenar për suksesin historik të Kosovës

Me rastin e lajmit shumë të rëndësishëm dhe historik të pranimit të Kosovës në UEFA Kryeministri i Kosovës Isa Mustafa ka shkruar në rrjetin social Facebook duke thënë se është shumë i lumtur dhe krenar që shteti ynë sapo arriti një sukses kulminant historik, transmeton Indeksonline.

Ky është postimi i plotë:
Të dashur miq,
Ndihem shumë i lumtur dhe krenar që shteti ynë sapo arriti edhe një sukses kulminant historik.

Futbolli kosovar nga sot është anëtar i familjes evropiane të futbollit, UEFA-s. Shumë shpejt edhe i FIFA-s. Kosova po përjeton një periudhë të sukseseve të jashtëzakonshme.

Rezultatet kulminante, produkt i përkushtimit tonë dhe përkrahjes së miqve ndërkombëtar, do të vazhdojnë në ditët në vijim. Të ndihemi krenar me Atdheun tonë! IM