Isa Alimusaj fitues i “Sallonit Vjeshtor 2013”

Gjilan – Para artdashësve Gjilanas dhe të huaj të mërkurën mbrëma në Galerinë e Arteve në Gjilan, është hapur ekspozita kolektive ndërkombëtare Salloni vjeshtor , edicioni i nëntë, në mbështetje të drejtorisë për Rini, kulturë dhe sport të Gjilanit.

Hapjen e ekspozitës e beri nënkryetari i Komunës, Omer Daku, i cili falënderoj kuratorët e kësaj ekspozite dhe shtoj se komuna çdo herë do t`i mbështes aktivitetet kulturore të cilat mbahen në qytetin tonë.

Edhe profesori i Fakulteteve të Arteve Figurative , Sabedin Etemi tha se Gjilani ka kuadro profesionale, potencial në lëmin e artit figurativë dhe gëzojnë respekt të madh në mbar Kosovën, e shtoi se Gjilani është qendër e fuqishme kulturor dhe me të drejt mundë të thuhet së është qendër numër dy, dhe padyshim duhet përkrahur me mjete financiare këta artiste të rinj me vullnet të madh për artin, e me nam botëror.

Etemi tha se në këtë ekspozitë vërehej një numër i madh i artistëve vendor dhe ndërkombëtar siç janë, nga Amerika, Kanadaja, Japonia, Izraeli, Brazili, Italia, Estonia, Bulgaria, Romania, Shqipëria dhe Kosova.

Në këtë ekspozite u ndan edhe çmimet nga juria profesional e përbërë nga Agim Islamaj, Kosovë dhe Viara Gouneva Bulagria.

Çmimin e parë e fitoi artisti kosovar Isa Alimusaj të cilën nënkryetari i Komunës e ndau këtë çmim, çmimin e dytë e zuri artistja kanadeze Milene Hertug, kurse çmimin e tretë e zuri artistja Italiane, Rosa Didonna dhe krejt në fund Ilir Deda nga KIPRED, e dorëzoi çmimin special piktorit Kosovar Sabedin Etemit, i cili përgëzoj kuratorët e ekspozitës Jeton dhe Arian Rexhepi dhe pos tjerash tha se duhet mbështetur të gjithë artistët në çdo formë dhe pikërisht këta janë ambasadorët tanë të cilët na përfaqësojnë anembanë botës dhe janë e ardhmja e vendit tonë.

Kjo ekspozitë do të qëndroj e hapur 14 ditë në Galerinë e Arteve Gjilan, dhe të gjithë qytetarët do të rastin të vizitoj ekspozitën./rajonipress/