Isa Agushi thirrje publike Isa Mustafës: Po ju presim ta bëni Zhegrën Komunë?

Gjilan – Isa Agushi këshilltar komunal nga radhët e LDK-së i njohur me nofkën e luftës si komandant Dardani ka bërë një thirrje publike në adresës të Isa Mustafës duke kërkuar nga ky i fundit që ta mbajë premtimin dhe ta formojë komunën e Zhegrës sa më shpejt që është e mundur.

Në një prononcim për rajonipress Isa Agushi i ka bërë thirrje publike Kryeministri të Kosovës, Isa Mustafa. “Zoti Kryeministër premtimin që keni dhanë për formimin e komunës së Zhegrës, ne qytetarët e Zhegrës po ju presim me padurim dhe po ua rikujtojmë edhe njëherë që sa ma shpejt të veproni dhe përmbusheni obligimin që najë keni dhanë. Paraprakisht ju përshëndes dhe shpresoj që do të lëvizini shpejt” tha Agushi, raporton rajonipress.

Agushi thotë se të gjitha qeveritë e pas luftës i kanë rrejt banorët e Zhegrës. “Unë kam besim të plotë që qeveria Mustafa do ta realizojë kërkesën ose synimin e banorëve të Zhegrës, në të kundërtën edhe kjo Qeveri nëse nuk e përmbush këtë obligim dhe premtim institucional atëherë do ju hyjë në hak këtyre banorëve” tha Agushi./rajonipress/