Ira Salihu volejbollistja e cila po çmendë volejbollin kosovar

Gjilan – Volejbollistja e KV Drita të Gjilanit Ira Salihu edhe pse pak para disa muajsh ka mbushur 17 vjeç me paraqitjet e saja ka bërë që të jetë tmerr për skuadrat kundërshtare.

Ira, kjo talente e madhe e volejbollit me paraqitjet e saja në parket ka bërë të kontribuon me të madhe për sukseset e skuadrës së saj duke qenë e pa kaluar nga gjuajtjet kundërshtare.

Kjo talente përpos që është shembull në lojën e volejbollit ajo është edhe një sportiste me perspektiv të ndritshme, Ira me plot suksese i ndjek mësimet në vitin e dytë të Gjimnazit “Zenel Hajdini” në Gjilan.

Padyshim Ira është libero(mbrojtëse) më e mirë në volejbollin e Kosovës ajo nuk mbeti pa u vërejtur për talentin që ka dhe me plot krenari veshë edhe fanellën e Përfaqësueses së Kosovës në Volejboll.

E dashuruar pas topit të volejbollit Ira karrierën e saj e filloi në moshën 12 vjeçare dhe pas 1 viti inkuadrohet menjëherë në skuadrën e pare.

“Volejbolli për mua është gjithçka që nga fëmijëria e kam dashur volejbollin dhe për këtë nuk pendohem asnjëherë dhe jam shumë e lumtur që i takojë këtij brezi të talentuar në skuadrën e Dritës”, thekson Ira për ‘rajonipress’.

Talentja e volejbollit Ira edhe pse e re ka plot suksese gjatë karrierës së saj brenda 5 vitesh. Fillimisht ishte volejbolliste e pakontestueshme në Përfaqësuesen e Kosovës U-18 në turneun e madh të Volejbollit i cili ishte mbajtur në Poloni në mesin e 40 shteteve Përfaqësuesja e Kosovës ishte renditur në pozitën e 4 duke i mahnitur të gjithë pjesëmarrësit.

“Ishte një përvojë jashtëzakonisht e madhe për mua ky turne i volejbollit, kisha vetëm 14 vjeqë, por treguam lojëra shumë cilësore dhe fituam shumë njohuri të reja në këtë turnir të volejbollit”, shprehet talentja e volejbollit Ira Salihu.

Kjo volejbolliste la përshtypje të jashtëzakonshme në eliminatorët për Evropianin e Volejbollit i cili u mbajt para disa muajsh në kryeqytet në Prishtinë duke treguar lojëra të jashtëzakonshme.
“Ishin dy paraqitje shumë të mira të Përfaqësueses sonë mposhtëm Izraelin ndërsa pësuam nga Ukraina por nuk u koritëm na mungoi përvoja dhe fati por shpresoj se në të ardhmen do të kemi paraqitje më solide”.

Ira Salihu Libero e pazëvendësueshëm në KV Drita dhe në Përfaqësuesen e Kosovës gjatë karrierës së sajë tri herë radhazi ishte fituese e Kupës së Kosovës, ndërsa në këtë vit është në rrugë të mbarë të stoliset me titull të Kampionit të Kosovës.

“Janë këto ndjenja të mira kur ke një synim dhe i realizon mendoj se KV Drita për një kohë të gjatë do të sundon volejbollin e Kosovës pasi në radhët e saja ka talente të jashtëzakonshme dhe me një ardhmëri të ndritshme, lirisht mund të theksoj se e gjithë merita i takon trajnerit Lorik ilazit, i cili me punën e tij ka bërë që volejbollistet e Dritës formojnë rreth 80% bazën e Përfaqësueses së Kosovës në volejboll”, tregon talentja Ira Salihu.

Ira Salihu nuk i fshehë aspak synimet e saja gjatë karrierës së ardhshme.”Ëndrra ime është së pari ta mbaroj Gjimnazin e më pastaj të jem pjesë e ndonjë skuadre të madhe të volejbollit, ndërsa ëndrra ime më e madhe është që të studioj përtej Atlantikut dhe të vazhdoj karrierën në SHBA”.

Ira në fund për ‘rajonipress’ thekson se KV Drita me të drejt është shtëpia e dytë e vashave të këtij klubi dhe për të gjitha të arriturat pa përkrahjen e familjes sime nuk do t`i kisha arritur./rajonipress/