“Inzaghi i Kosovës” po kërkon shpërthimin në Rumani

Prishtinë – Sulmuesi kosovar, Azdren Llullaku, sa luante në rangjet e ulëta në Itali kishte marrë nofkën “Inzaghi i Kosovës”, për aftësitë e tij për të shkundur rrjetat.

Ai ishte krahasuar nga gazetarët italianë me ish-sulmuesin e famshëm të Milanit. Tash Llullaku 24-vjeçar po synon të arsyetojë këtë nofkë në elitën e futbollit rumun. Ai është pjesë e skuadrës rumune Gaz Metan Medias, ndërsa deri më tash ka luajtur nëntë ndeshje dhe ka realizuar një gol e ka asistuar tre sosh.

“Nofkën Inzaghi i Kosovës ma kanë dhënë gazetarët në Itali, sepse kur jam afër portës i ngjaj atij”, ka treguar Llullaku për gazetën. Ai pjesë e Gaz Metanit është që nga vera e këtij viti, ndërsa ka kontratë deri në verën e vitit 2016.(koha)