Inva Mula do të drejtojë Festivalin Operistik “Marie Kraja”

Festivali Ndërkombëtar Operistik “Marie Kraja” që do të mbahet në nëntor nuk do të ketë më drejtuese Zana Çelën që e themeloi këtë festival. Tashmë festivalin do ta drejtojë sopranoja e famshme shqiptare Inva Mula.

Ish drejtuesja e këtij festivali, Zana Çela, aktualisht drejtoreshë e Teatrit të Operës dhe Baletit e konfirmon këtë lajm nëpërmjet një postimi në facebook.

Nga ana e saj sopranoja Inva Mula thotë se “kur një festival bëhet identifikues i traditës artistike të një vendi-të gjithë ne duhet te japim kontributin tone për ta rritur atë përgjatë viteve”.

Festivali Ndërkombëtar Marie Kraja do të mbahet për dy mbrëmje, përkatësisht më 4 dhe 5 nëntor.

Në këtë festival deri më sot janë vlerësuar me trofetë “Marie Kraja” disa artistë ndërkombëtar.