Interesim nga kampionati portugez për mesfushorin Ergys Kaçe

Ergys Kaçe po tregon maturi, ky ishte konkluzioni i mediave greke për fazën përgatitore të PAOK-ut në Holandë, ku e përshkruanin me nota pozitive sjelljen e shqiptarit në ekip, shkruan “Panorama Sport”.

Mirëpo, në ndeshjen kualifikuese për Europa Ligë, Kaçe nuk u përfshi nga trajneri dhe kjo ka bërë që skuadra e Panioniosit të interesohet për ta huazuar.

Mediat greke kanë bërë me dije se kjo skuadër është interesuar që ta huazojë shqiptarin, duke qenë se nuk arrin që të përballojë vlerën e lartë për t’i blerë kartonin. Jo vetëm kaq, por “Gazzetta.gr” ka bërë me dije se për shqiptarin së fundmi ka pasur edhe interesime nga Portugalia.