“Intelektualët” në 20 vjetorin e themelimit përgatisin çmendurin e paparë

Gjilan – Tifozët e Dritës “Intelektualët”, me 23 dhjetor do të festojnë ditëlindjen e tyre të themelimit në tifoskenën e futbollit Kosovar.

Për “Intelektualët”, festave të fundvitit do ti shtohet edhe festa e tyre, Intelektualet festojnë 20 vite përfaqësim përkrahje, punë dhe angazhime për qytetin.

Në sfidat të cilat i kanë pasur në diell, në shi e borë, në fitore e humbje, me lot të gëzimit e dëshpërimit, tani e 20 vite asnjëherë nuk munguan në sfidat e tyre futbollistike por përkundrazi ata u kalitën dhe u bënë shembull në arenat futbollistike kudo që u paraqitën, duke i përkrahur klubin e zemrës.

Ky përvjetor për tifoklubin e Intelektualëve është një krenari e veçantë.
“Ditëlindja jonë e 20-të si tifogrup ka një domethënie të mëdha për ne, sepse për 20 vite ishim ata që i sollëm shumë të mira tifoskenës tonë, pa Intelektualët tifoskena Shqiptare nuk do të ishte e njëjta”, ka bërë të ditur Jeton Rashiti.

Se cila është kënaqësia e një tifozi të jesh “Intelektual”, Rashiti thekson.”Të jesh “Intelektual” është ndjenja më e veçantë sepse ne jemi ata që për 20 vite ishim pranë klubit tonë si në të mirë e si në kohëra të vështira, të gjitha sukseset tona i kemi arritur së bashku e këtë rrugëtim tonin do ta vazhdojmë edhe në të ardhmen edhe më të fort”.

Befasitë në këtë jubile nuk do të ndalen nga “Intelektualët”, sipas Rashitit.
“Përpos aktiviteteve të cilat i kemi bërë publike, do të ketë edhe shumë befasi tjera me 23 dhjetor, ndërsa befasitë e shumta do t`i shpalosim në ditën e festës sonë”, thekson Rashiti.

Jeton Rashiti ka bërë të ditur se në këtë jubile të “Intelektualëve” do të ketë edhe mysafirë të veçantë, por gjithçka gjerë në ditën e festës do të bëjmë të ditur për opinionin.

“Intelektualët” do të zhvillojnë një ndeshje miqësore e vëllazërore me futbollistët e Dritës, orari i këtij manifestimi të organizuar nga “Intelektualët” është:
Ndeshja ndërmjet FC DRITA – INTELEKTUALËT / Fusha me bari sintetik / Ora 12:00
Bakliade ne Qytet / Teatri i Qytetit / ora 18:00
Neja e ditëlindjes / Stop Club / ora 20:20
DJ Professional , DJ Cosmo , Trebla.Vj