“Intelektualët” i bëjnë dhuratë Xherdan Shaqirit

Krenaria e shqiptarëve, Xherdan Shaqiri, ka pranuar një dhuratë simbolike nga tifozët e Dritës së Gjilanit, “Intelektualët”, në shenjë falënderimi për ndihmat e vazhdueshme që Xherdani i ka dhuruar klubit të tij të zemrës, Dritës, dhe për përfaqësimit dinjitoz të shtetit tonë në botë.

Tifozët e Dritës kanë premtuar se do ta mbështesin yllin e tyre, gjithmonë, pa marrë parasysh se ku do të gjendet ai, ndërsa ata kanë ideuar edhe një transparent me të cilin i falënderohen “xhuxhit magjik”,transmeton orainfo.

Xherdani gjithmonë ka shfaqur dashuri të veçantë për Dritën, duke treguar se është klubi i tij i zemrës, ndërsa ai ka ndihmuar klubin. “Shaqa” ka shtuar se do ta ndihmoj në vazhdimësi Dritën, sepse e ndjen vetën të obliguar ta bëjë një gjë të tillë.