Inspektim special për kolegje private që e quajnë veten “universitete”

Bartësit Privatë të Arsimit të Lartë (BPRAL) në Kosovë do t’i nënshtrohen një inspektimi special nga Ministria e Arsimit gjatë pjesës së mbetur të këtij muaji, pasi që jo pak prej tyre kanë rrezikuar licencat, duke ndryshuar emërtimet gjatë reklamimit të ofertave për regjistrimin e studentëve aty dhe duke vënë epitetin “universitet” pa e pasur atë.

“Koha Ditore” ka siguruar një vendim që e ka nënshkruar të martën ministri i Arsimit, Arsim Bajrami, përmes të cilit ka urdhëruar Inspektoratin e Ministrisë që të bëjë inspektim special të emërtimeve që po mbajnë Bartësit Privatë të Arsimit të Lartë (BPRAL).

Me anë të këtij vendimi, Departamenti i Inspektoratit urdhërohet që të ndërmarrë të gjitha veprimet konkrete, konform ligjit, për inspektim special rreth respektimit të emërtimeve të BRPAL-ve.

http://koha.net/?id=27&l=61245