Infrastruktura moderne, esenciale për cilësi në arsim

Ministri i Arsimit, Shkencës dhe Teknologjisë, Ramë Buja theksoi të martën rëndësinë që ka ngritja e infrastrukturës moderne shkollore për cilësinë në arsim.

Në konferencën ndërkombëtare ‘’Hap pas Hapi për ndërtesa shkollore më të mira”, po ashtu u tha se përmirësimi i infrastrukturës shkollore, ngritja e objekteve moderne shkollore janë kushte esenciale për mësimdhënie e mësimnxënie me metoda bashkëkohore.

“Mekanizmat ndërkombëtar që po e ndihmojnë procesin e shkollë ndërtimit, mësimdhënies dhe mësim nxënies, siç janë Banka Botërore, USAID-i, Komisioni Evropian etj, janë ata që na bëjnë të ndjehemi më të sigurt në përpjekjet tona për ngritjen e kapaciteteve shkollore”, tha Buja.

Ndërsa, Jan Peter Olters , shef i Zyrës së Bankës Botërore në Kosovë tha se përmirësimi i infrastrukturës shkollore dhe ngritja e objekteve moderne shkollore janë kushte esencial për mësimdhënie e mësimnxënie me metoda bashkëkohore. /Telegrafi/