Imazhi i rrezikuar nga kriza

Gjuajtja me vezë e kryeministrit të Kosovës, Isa Mustafa, gjersa po raportonte para Kuvendit në lidhje me marrëveshjet e bëra në Bruksel, nuk u pa me sy të mirë nga përfaqësues dhe diplomatë të ndryshëm nga Bashkimi Evropian dhe SHBA-ja.

Por, analistë të çështjeve politike në vend nuk konsiderojnë se veprimet e opozitës do të ndikojnë drejtpërdrejtë në imazhin e Kosovës.

Politologu Donik Sallova thotë se aksioni i opozitës në parlament nuk mund të ketë ndonjë konsekuencë të madhe në imazhin jashtë vendit, por që konsekuenca më e madhe ndaj aksionit opozitar mundet më qenë në skenën vendore.

Sallova, probleme sheh vetëm nëse kriza do të përshkallëzohej.