Ilir Latifi përball Teixeiras, konfirmohet meçi me 22 korrik

Ilir Latifi do të ndeshet me brazilianin Glover Teixeira në artet e përziera marciale të UFC-së.

Luftëtari me prejardhje nga Kosova po vazhdon marshimin në përballjet e tij në kategorinë e Light Heavyweight

Ndeshja e radhës për Ilir Latifin është ajo në mes të brazilianit Glover Teixeira, i cili është i treti në ranglistën botërore të arteve të përziera marciale të kategorisë së tij.
Është vet Latifi, i cili ka konfirmuar meçin ndaj Teixeiras, po ashtu edhe datën dhe vendin.

22 korrik është data kur do të zhvillohet meçi, ndërsa Barclaycard Arena e Hamburgut do ta mirëpret këtë përballje.

Latifi, i cili është në vendin e katërt në ranglistën botërore në kategorinë e tij në UFC do të kërkoj fitoren e tretë radhazi dhe ngjitjen edhe më lart në renditje.

Biletat për këtë përballje të madhe të UFC-s kanë dalë në shitje nga data 27 prill.

Ndryshe, Latifi ishte në Tiranë javën e kaluar, ku u prit nga adhurues të shumtë, teksa pati edhe shfaqje të tij në oktagon. /Telegrafi/