Ilir Deda ndahet nga lëvizja Vetëvendosje, krijon parti të re

Ilir Deda nuk është më pjesë e lëvizjes Vetëvendosje. Ai largimin e tij nga kjo parti e bëri publike në një konferencë për media.

Sipas tij, ai dhe VV-ja kanë pasur dallime që kanë qenë publike, duke shtuar se “ne kemi dallime konceptuale, por e kemi një ndarje miqësore”.

Deda ka theksuar se në muajt e ardhshëm do jetë pjesë e një organizimi të ri politik.

Ish-anëtari i VV-së theksoi se ai i ka vendosur një vijë të kuqe Partisë Demokratike të Kosovës (PDK), ndërkaq tha se beson se do të ketë bashkëpunim me VV-në, si front opozitar.

Sekretari i Lëvizjes Vetëvendosje (VV), Dardan Molliqaj, tha se ndarja e Ilirit nga VV-ja është një ditë jo e mirë për partinë.

Sipas tij, megjithatë VV-ja do të ketë një rritje të ndjeshme në zgjedhjet e ardhshme.

“A do të ishte më mirë me Ilirin, normalisht se po. Ajo që po synojmë me bo me Ilirin dhe Ilir me ne, është me godit regjimin. Duhet më gjetë rrugë që ta godasim regjimin. Në emër të VV i dëshiroj ilirit sukses dhe me falënderu ër punën e bërë bashkë me të”, ka shtuar Molliqaj.

A po ndahet Ilir Deda me Vetëvendosjen (Livestream)?

Burime të Telegrafit bëjnë me dije se deputeti i lëvizjes Vetëvendosje, Ilir Deda nuk do të jetë pjesë e lëvizjes Vetëvendosje.

Vetëvendosje lidhur me këtë pritet të mbajë një konferencë të jashtëzakonshme për media.

Deda mendohet se është larguar nga kjo parti, për të krijuar një parti të re në të cilën pritet të jenë pjesë figura të njohura për publikun.

Deda i vendosë vijë të kuqe PDK-së

Ish–deputeti i Lëvizjes Vetëvendosje (VV), Ilir Deda, ka theksuar se ai i ka vendosur një vijë të kuqe Partisë Demokratike të Kosovës (PDK).

Deda ka thënë se beson se bashkëpunimi me VV-në do të vazhdojë në frontin opozitar, madje ai nuk i ka kursyer fjalët e mira për ish partinë e tij, duke theksuar se VV-ja mbetet katalizatori i forcës së ndryshimit në Kosovë.

“Kemi një regjim të egër, të korruptuar dhe kriminal dhe duhet ta ndryshojmë. Bashkëpunimi i cili nuk ka mundur të realizohet nën një ombrellë politike, nuk do të thotë që nuk do të realizohet në një formë tjetër”, ka shtuar Deda, i cilit sot zyrtarisht ka dhënë dorëheqje nga VV dhe në muajt e ardhshëm pritet të formojë një partie të re. /Telegrafi/