Ilir Azemi shënon golin e parë zyrtar që nga viti 2014

Ilir Azemi ka shënuar golin e parë në një ndeshje zyrtare që nga koha e aksidentit të rëndë që pësoi në vitin 2014.

Sulmuesi i Përfaqësueses së Kosovës në vitin 2014 kishte pësuar një aksident të rëndë komunikacionin në orët e para të mëngjesit, ku edhe mendohej se më kurrë nuk do të mund t’i rikthehej futbollit.

Por 24 vjeçari është duke u rikuperuar me sukses, ku po paraqitet për skuadrën e dytë të Greuther Furth, në kategorinë e katërt të futbollit gjerman.

Azemi në humbjen 3:1 të Furth nga Nurnberg II, shënoi në minutën e 9-të, për të shënuar golin e parë zyrtar që nga viti 2014, ndërsa një muaj më parë kishte shënuar pesë gola në fitoren 17:0 të të rinjve të skuadrës së Furth./Indeksonline/