Ilaçet natyrale që lehtësojnë dhimbjet në muskuj

Dhimbjet e muskujve shpeshherë ndërlidhen me tensionimin e tyre, ngritjen e peshave të tepërta apo si pasojë e lëndimit nga aktiviteti fizik. Dhimbjet në muskuj përfshijnë muskuj të caktuar dhe shfaqen ose gjatë ushtrimeve apo gjatë natës pas ushtrimeve. Po ashtu, mund të jenë shenjë e sëmundjes së krejt trupit. Falë disa bimëve shëruese, këto simptoma mund t’i trajtoni në shtëpi në mënyrë efektive dhe krejt natyrale

ROZMARINË DHE ALKOOL

Rozmarina është shumë efektive në relaksimin e muskujve, që lehtësojnë ngërçet dhe dhimbjet që lidhjen me ushtrimet fizike. Përbërësit: 3 ½ e gotës alkool “isopropyl” (700 ml) 3 lugë gjethe të thata të rozmarinës (45 g). Përgatitja: Mbusheni një shishe me alkoolin “isopropyl” dhe shtoni gjethet e rozmarinës. E lini të pushojë për rreth 24 orë, e përzieni dhe më pas e përdorni të kulluar. Aplikojeni përzierjen në muskujt me dhimbje me lëvizje të buta qarkore. E lini të thahet vetvetiu.

PËRZIERJA ME KIVI DHE BANANE

Dhimbjet e muskujve shpeshherë përkeqësohen si pasojë e mungesës së kaliumit. Në raste të tilla, bananet janë ilaç i shkëlqyeshëm për t’i lehtësuar këto dhimbje për faktin se bananet përmbajnë kalium. Kivi po ashtu përmban shumë vitamina C dhe kalium, nutrient shumë të rëndësishëm në lehtësimin e dhimbjeve në muskuj. Përbërësit: 3 banane të shtypura 2 gota ujë (500 ml) 2 kivi. Udhëzimet: Qëroni dhe copëtoni bananet dhe kivit dhe i përzieni në blender. I përzieni për 4 minuta. E pini përzierjen para ushtrimeve apo para se të bëni një aktivitet tjetër fizik.

LËNGU ME PJEPËR, LIMON DHE RRUSH QË NDALON NGËRÇET

Ky lëng është i hatashëm për trajtimin në mënyrë natyrale për muskujt me dhimbje. Kombinimi i këtyre tre përbërësve ofron shumë kalium për trupin tuaj, që ndihmon në lehtësimin e dhimbjeve të muskujve dhe ngërçeve në muskuj. Përbërësit: 1 rriskë pjepri 2 limonë të shtrydhur 6 kokrra rrushi 1 gotë ujë (250 ml). Udhëzimet: Përzieni rriskën e pjeprit, lëngun e dy limonëve dhe korrat e rrushit për 4 minuta, derisa të keni një masë homogjene. Përmbajtjen ta derdhni në një gotë dhe e pini. Është me rëndësi që këtë lëng ta pini para secilit aktivitet fizik.

UTHULLA E MOLLËS

Dhimbjet e muskujve prekin njerëz të të gjitha moshave dhe mund të shfaqen si pasojë e shumë arsyeve. Dikush nuk qëndron si duhet, si pasojë lëndimeve, shtatzënisë apo ngritjes së peshave të rënda. Uthulla e mollës është e pasur me kalium kështu që është e hatashme për trajtimin e ngërçeve të muskujve. Përbërësit: 2 lugë uthull molle (30 ml) 2 gota ujë të ngrohtë (500 ml) Udhëzimet: Përzieni dy përbërësit dhe e konsumoni ilaçin.

(Kosova Sot)