Ikën muajt e Verës
RajoniPress
18:11, 13 Shtator, 2017
Nga Demir Krasniqi
Ikën muajt e Verës,
Ikën dhe pushimet …
Përfunduan dasmat,
Lojërat dhe gëzimet !…
U zbrazën konakët,
U zbrazën sokakët …
Përfunduan dasmat,
Krushqit dhe bajrakët !…
Përfunduan këngët,
Lojërat edhe vallet …
Ikën mërgimtarët –
Prapë vazhduan hallet !…
Përfunduan pushimet,
Ditët e gëzimit …
Bijat edhe bijet –
Iu kthyen mërgimit !
Shumë shtëpitë u mbyllën
Me dyer nën dry !…
Shumë prindër u shtrydhën
Me lotët ndër sy !…
Qajnë fshati e qyteti,
Qajnë male dhe gurë !…
Plagët e kurbetit –
Nuk shërohen kurrë !…
Gjilan, më 11.09.2017.
Demir Krasniqi
