Igli Tare: Valon Berisha është një luftëtar i madh

Valon Berisha është prezantuar si lojtar i Lazios. Mesfushori i Përfaqësueses së Kosovës, këtë verë la Salzburgun e Austrisë për t’iu bashkuar italianëve të Lazios.

Në prezantimin e tij, Berisha është paraqitur së bashku me drejtorin sportiv të Lazios, Igli Taren.

Ish sulmuesi i Kombëtares Shqiptare, ka thënë fjalë të mëdha për 25 vjeçarin, që pritet të ndihmojë shumë Lazion në arritjen e synimeve në sezonin e ri.

“Nuk e kam fshehur admirimin që kam për të, ai ka diçka që përfaqëson frymën e kësaj shoqërie (Lazio), është një luftëtar i madh, një person i madh brenda dhe jashtë fushës”, ka thënë Tare.

I lumtur që i është bashkuar Lazios, është deklaruar edhe Valon Berisha.

“Jam i lumtur që jam këtu. Lazio është një eksperiencë e re për mua, nuk po mund të pres për të shfaqur talentin tim”, ka deklaruar ylli i Kosovës.

“Jam duke u stërvitur, shpresoj të jem i gatshëm brenda javës. Arritja në Serie A ka qenë një ëndërr për mua, e po ashtu të transferohem në një klub të madh si Lazio. Në zhveshtore ka një atmosferë të mirë, dua të mësoj më shumë nga shokët e skuadrës”./Lajmi.net/