Ibrahimi: Të hiqet ora policore, s’ka bazë shkencore

Kryetari i Asociacionit të Komunave të Kosovës, Sazan Ibrahimi ka njoftuar se kanë kërkuar heqjen e orës policore gjatë festave të fundvitit.

Kjo për arsye se sipas tij, nuk ka bazë shkencore pse duhet të kemi orë policore.

Tutje ai tha se tash i kemi vaksinat dhe nuk ka nevojë për orë policore, raporton Indeksonline.

“Jemi duke kërkuar sidomos tani me ardhjen e diasporës që të largohemi nga ora policore sepse nuk ka asnjë bazë shkencore se pse duhet të ketë orë policore. Kemi pasur orë policore kur nuk kemi pasur vaksina por tash kemi vaksina. Nuk ka kurrëfarë mundësie që virusi të jetë me intensitet më të shtuar gjatë këtyre 5 orëve, nëse ka argument shkencor, normal se do ta pranojmë.

Gjithmonë edhe kryetarët e komunave, me çdo masë e cila ka sjell dobi e cila ka ndihmu në humbjen e rasteve dhe të infektuarve, e ka përkrah e ka përshëndetur. Patjetër që ne si asociacion i marrim praktikat e shteteve në rajon dhe jo vetëm në rajon por edhe më gjerë, dhe në asnjë shtet, as në rajon, por edhe më gjerë, nuk kemi hasur që kemi orë policore. Vetëm ne në Kosovë kemi orë policore”, tha ai për rtv21./Indeksonline/