Ibrahim Kadriu, fitues i çmimit “Nxënësit për poetin”

Krijuesi i njohur letrar Ibrahim Kadriu, në 70-vjetorin e lindjes dhe në 50-vjetorin e krijimtarisë së tij letrare, është fitues i çmimin “Nxënësit për poetin”, të cilin e jep Grupi letrar “Ismail Kadare” i nxënësve të kolegjit “Universum” dhe “Aga Xhite”.

Në orën letrare të titulluar “Takim me poetin”, që ishte organizuar edhe për të shënuar 7 Marsin – Ditën e Mësuesit, në Bibliotekën Kombëtare të Kosovës, morën pjesë edhe anëtarë të Karvanit të shkrimtarëve për fëmijë “Agim Deva”, cili sot filloi rrugëtimin nga shkolla fillore “Ibrahim Rugova” e Obliqit, ndërsa stacion të parë pati Kolegjin “Universum” të Prishtinës, shkruan Kosovalive.

Ata ishin edhe pjesë e ceremonisë për dhënien e çmimit “Nxënësit për poetin”, i cili sivjet i takoi shkrimtarit Ibrahim Kadriu. Ata ishin edhe pjesë e ceremonisë për dhënien e çmimit “Nxënësit për poetin”, i cili sivjet i takoi shkrimtarit Ibrahim Kadriu. Për veprimtarinë letrare të shkrimtarit Ibrahim Kadriu foli Mahmut Hysa, ndërsa krijuesit letrar lexuan punimet e tyre.