Ibishi: Institucionet dinin për radikalizmin, por s’vepruan pa presion ndërkombëtar

Eksperti i sigurisë, Nuredin Ibishi, njëherësh deputet i Kuvendin të Kosovës, ka thënë se institucionet e vendit kanë qenë në dijeni qysh moti për radikalizëm islamik. Sipas tij, ato nuk vepruan pa presion ndërkombëtar, si dhe pa u shënuar ndonjë akt i rëndë që lidhet me atë fushë.
“Qeveria ka fjetur për shtatë vjet”, ka thënë Ibishi për KTV-në, teksa ka shtuar se është mirë që është ndërmarrë ky veprim. “Por ai nuk duhet të jetë vetëm sa për sy e faqe, e në sy të bashkësisë ndërkombëtare”.
Ibishi ka thënë se është edhe përgjegjësi e Bashkësisë Islame të Kosovës që nuk ka parandaluar indoktrinimet nga imamët e papërgjegjshëm. /KTV/Koha.net/