Ia “shkel” 220 km në orë, 7 muaj burg për kosovarin 17 vjeçar

Ishte vetëm 17 vjeç, nuk ishte të drejtë për të ngarë veturën dhe as për të pasur veturë por ai nuk e kishte fare problem këtë punë. Me veturën e “huazuar” herë nga babai e herë nga xhaxhai, ai disa herë kishte vozitur mbi normën e lejuar.

Në shkurt të vitit 2013 kosovari i mitur bashkë me pesë shokë në makinën VW Touran ia kishte “shkelur” jo më pak se 220 km në orë. Kjo kishte ndodhur në pjesën autostradës në mes të Siglbrugg-ut dhe Bar-it, ku shpejtësia maksimale e lejuar është 120 km në orë.

“Ai duke shkelur me paramendim rregullat themelore të komunikacionit e kishte marrë në konsideratë edhe mundësinë e një aksidenti me të lënduar rëndë ose të vdekur”, është shprehur gjyqtari i gjykatës për të rinjtë në Zug. Në një rast tjetër ai kishte vozitur 120 km në orë në rrugë ku lejohet vetëm 80 km, shkruan nlz.ch.

Për fat në asnjërin rast nuk kishte pasur viktima.

Prokuroi me këtë rast kundër të riut dhe 5 shokëve të tij ka bërë gjithsej 12 urdhëresa ndëshkimi. Të akuzuarit kryesor ai i ka shqiptuar një dënim prej 7 muaj e gjysmë heqje lirie prej të cilave dy muaj efektivë. Ndërsa trupi gjykues ka marrë vendim për dënim me 7 muaj heqje lirie nga të cilat dy muaj burg efektiv dhe një kujdestari personale gjatë dy muajve./albinfo.ch/