I paralajmërojnë azilkërkuesit shqiptarë për terminet e dëbimit: Zemërohen politikanët

Këto grumbullime do të bëheshin, sipas informatës së shoqatës në fjalë më 5, 6, 7 dhe 8 dhjetor, nga Lajpcigu.

Shoqata “Buntes Radebeul” angazhohet për bashkëjetesë në mes të vendësve dhe azilkërkuesve. Por së fundi, pas një aksioni të kontestuar që ka bërë përmes facebook-ut, ajo është vënë në thumb të politikanëve.

Shoqata në fjalë, siç shkruan tag24.de ka bërë publik në faqen e saj të facebook-ut lajmin se në ditë të caktuara do të bëhet grumbullimi i refugjatëve për dëbim në vendet e prejardhjes, në Shqipëri, Kosovë dhe në Serbi, transmeton albinfo.ch. Këto grumbullime do të bëheshin, sipas informatës së shoqatës në fjalë më 5, 6, 7 dhe 8 dhjetor, nga Lajpcigu. Për më tepër, në njoftimin e publikuar shkruan: “Ju lutemi që terminët t`ua bëni të njohur edhe të prekurve tjerë në landet: Saksoni, Thürigen, Sachsen-Anhalt dhe Brandenburg.

Përgjegjësi për çështje të të huajve dhe deputeti i landit, Geert Mackenroth është shprehur i zemëruar me këtë veprim. Ai e quan si diçka të patakte aksionin e shoqatës, e cila u jep njoftime nga brenda azilkërkeusve që u është refuzuar statusi i refugjatit.

Me këto postime po paralajmërohen azilkërkuesit me qëndrim ilegal në Gjermani që të kenë parasysh se janë në rrezik për dëbim, përcjell albinfo.ch. Ndërsa ligji e thotë se vetëm ata që janë të rrezikuar e fitojnë azilin e të gjithë të tjerët duhet të kthehen nga kanë ardhur. Nisur nga kjo, shoqatat duhet të kenë qëndrim neutral.

http://www.albinfo.ch/i-paralajmerojne-azilkerkuesit-shqiptare-per-terminet-e-debimit-zemerohen-politikanet/