I palodhshmi Agron Murseli

Gjilan – Agron Murseli në shpirt e ka pastërtinë dhe ambientin e mirë, jeton nga djersa dhe puna e tij shumë profesionale. Po të kishte Gjilani institucione serioze Agronin do ta shpallte punëtorin e vitit.

Agron Murseli nuk është vetëm punëtor në “Eco – Higjiena” sepse pos punës së rregullt ai kujdeset edhe për disa objekte me rëndësi në fshatin Miresh.

Agron Murseli jeton nga puna dhe pasioni tij që të ketë gjithkund pastërti dhe gjelbërim. “Nuk lodhem sepse punën e bëjë me dashuri dhe përgjegjësi. Mundohem të bëjë më të mirën për bashkëfshatarët e Mireshit dhe jam shumë krenar që ky fshat ka kulturë të lartë ambientale” shprehet Agroni.

Po të kishte institucione të mirëfillta Komuna e Gjilanit Agron Murselin kaherë do ta shpallte punëtor të vitit. Ajo që e bënë të veçantë Agronin është fakti se ai në postimet e tij jep edhe mesazhe edukimi. “Mirëmëngjesi, ndershmëria dhe interesi i përfitimit nuk hyjnë në një thes” ka shkruar Agroni në postimin e tij të fundit./rajonipress/