Blerim Xhemaili nuk po tregohet fort i dëgjueshëm në Galatasaray. Madje, futbollisti shqiptar nuk i përmbush as kërkesat e këshillat e trajnerit të tij, Hamza Hamzaoglu.
Kjo ka bërë që shefi i shtabit teknik të Galatasarayt ta kritikojë mesfushorin e përfaqësueses zvicerane, i cili nuk dëgjoi as në paraqitjen e tij të fundit, që erdhi pas 80 ditëve. “Nuk mund të luadh dhe të mos dëgjosh. Ai po e bënë këtë. Është i padëgjueshëm”, ka deklaruar trajneri turk, i cili i pakënaqur është edhe me Goran Pandevin, i cili bashkë me shqiptarin kishin kaluar në Galatasaray prej Napolit.
“Nuk kemi arritur ende t’i nxjerrim ato që i kemi pritur prej këtyre dy lojtarëve. Por, ata duhet të punojnë për ta arritur formën e duhur”, ka theksuar ai.
