I nominuari i Biden për Sekretar: Duartrokas për punën e bërë nga Trump, do ta shtyjmë Kosovën përpara

Sekretari i Shtetit në ardhje i SHBA’së, Antony Blinken, ka folur për hapat që do t’i marrë Amerika në marrëdhëniet ndërkombëtare nën Administratën e Joe Biden.

Kur është pyetur për punët e Presidentit të kaluar Donald Trump, ai ka thënë se ka punë që i mbështet dhe marrëveshja në mes të Kosovës dhe të Serbisë është njëra prej tyre.

“Asnjë parti nuk ka monopol në ide të mira. Të gjitha idetë e mira qëndrojnë. Të mundohemi të avancojmë sigurinë e popullit amerikan jashtë kufijve. Jam i gatshëm të bëjë këtë. Janë një numër i gjërave që ka bërë administrata Trump jashtë të cilat i mbështes”, ka thënë ai.

“Duartrokas punën për normalizim të marrëdhënieve me Izraelin. Ju përmendet edhe punën e kryer mes Kosovës dhe Serbisë. Duartrokas edhe atë dhe punën që është bërë. Presidenti i zgjedhur ka kaluar kohë të shumtë në këto shtete në të kaluarën. E kemi përmendur disa herë punën që duhet bërë për të çuar Kosovën përpara, dhe me shpresë, edhe Serbinë. Dhe sigurisht të bëjmë aleatët që të investohen më shumë. Në fund, dua të shtoj se presidenti Trump kishte të drejtë që mori një qasje më të fortë ndaj Kinës”, shtoi ai. /Express/