I lumtur për golin

Lionel Messi ndihet i lumtur për golin që e realizoi ndaj Bosnjë e Hercegovinës, në fitoren 2:1 të Argjentinës, në kuadër të Grupit F. Ylli argjentinas e ka lavdëruar kundërshtarin, por thotë se goli i tij e lehtësoi ekipin Albiceleste, i cili po vuante nga ‘ofanziva’ boshnjake.

“Mendoj se goli i dytë ishte një lehtësim i madh për të gjithë ne, sepse ndeshja po bëhej më e vështirë. Ishte po ashtu i special për mua, pasi të shënoja në atë periudhë të lojës ishte ndjenjë mjaft e mirë. Duhet të vazhdojmë t’i ndjekim ëndrrat tona”, deklaroi fillimisht 26 vjeçari. – “Bosnja ka ekip mjaft të mirë, por ne mund të përmirësohemi. I lamë të luanin në pjesën e parë, iu dhamë topin dhe ishte mjaft e vështirë për ne ta gjenim portën e tyre, sepse ishim larg”, përfundoi ai.