I kuqi i vesë, jo edhe aq i shëndetshëm!

Konsumimi i tepruar i të verdhës së vezës mund të jetë po aq i dëmshëm sa edhe duhani, për njerëzit e rrezikuar nga sëmundjet kardiovaskulare.

Sipas studiuesve kanadezë, në rastin e të verdhës së vezës rreziku vjen për shkak të formimit të pllakave arteriale që bllokojnë zemrën dhe që janë shkaku kryesor i atakut kardiak, shkruan Zëri i Amerikës.

I njohur si arteriosklerozë, ky problem është një lloj çrregullimi i arterieve, kur grumbullimi i yndyrave (në veçanti kolesterolit) dhe i pllakëzave të gjakut, formojnë një mur të brendshëm arterial duke penguar furnizimin normal të zemrës me gjak.

Studimi zbuloi se ata që hanin më shumë se tri vezë në javë, kishin tendencë për të formuar më shumë pllaka se të tjerët. Kolesteroli i lartë konsiderohet si një prej shkaktarëve kryesorë të sulmit në zemër dhe e verdha e vezës ka një përqindje shumë të lartë të kolesterolit. Për këtë arsye, e verdha e vezës duhet të shmanget sa më shumë nga njerëzit me probleme kardiake dhe të përdoret me kujdes dhe jo në sasi të tepruar.