I kishte gjetur të hollat në një parking në Kamenicë, policia arrin ta gjejë të dyshuarin në Kaqanik

Kamenicë – Më 30 qershor 2020, në stacion policorë në Kamenicë ka ardhë ankuesi Ramadan Maliqi i cili ka lajmëruar se me 29 qershor 2020 rreth orës 13:08 i kishte rënë kuleta e xhepit me një shumë rreth 350 Euro dhe dokumentet personale. Sipas ankuesit kuleta i kishte rënë me të dalë nga vetura në parkingun e marketit “Rexhepi Center” në Kamenicë.

Me të marrë rastin Policia e Kosovës njësia e hetimeve në Kamenicë ka filluar hetime rreth rastit në fjalë, ku fillimisht janë shikuar kamerat e qytetit dhe përmes tyre është arritur të identifikohet fillimisht vetura e personit të dyshuar dhe me pas janë gjetur edhe të dhënat mbi personin që e ka gjetur kuletën.

Përmes rrugëve operative është identifikuar personi i dyshuar shtetas i Kosovës me banim në Kaqanik.

Me datën 03.09.2020 personi i dyshuar është thirrë dhe ka ardhë në stacionin policor në Kamenicë. Gjatë intervistimit e ka pranuar se e kishte gjetur kuletën, paratë të cilat ishin në të i kishte marrë, ndërsa kuletën me dokumente e kishte hedhur në rrugë në fshatin Koretin.

I njëjti i ka dorëzuar parat e marra dhe i janë kthyer pronarit legjitim.
Është njoftuar prokurori i shtetit dhe ndaj të dyshimti ngritët kallëzim penal për “shpërdorim i pasurisë së huaj, neni 318 KP”, rasti procedohet në procedurë të rregullt në Prokurorinë Themelore njoftoi Ismet Hashani./rajonipress/