I implantohet gjuha artificiale, vajza mëson të flasë

Falë mjekëve të spitalit në Brazilia, Auristela 23 vjeçe, sot ka një gjuhë artificiale dhe ka mësuar edhe të flasë dhe të përtypë ushqimin.

Auristela Viana da Silva nga Brazili, ka lindur pa gjuhë, një rast ky jashtëzakonisht i rrallë që e njeh mjekësia dhe edhe më i rrallë që mbijeton. Të shumtën e rasteve foshnjat pa organin e gjuhës vdesin ende pa u konstatuar diagnoza e defektit, pasi që nuk janë në gjendje të marrin ushqimin.

Auristela ka mundur të mbijetonte vetëm falë gjeturisë së të ëmës, e cila e kishte improvizuar shishen ashtu që qumështi t`i shkonte drejtpërdrejt në fyt, duke tejkaluar kështu mungesën e gjuhës.

Shumë më vonë, falë mjekëve të spitalit universitar në Brazilia, Auristela 23 vjeçe, sot ka një gjuhë artificiale dhe ka mësuar edhe të flasë dhe të përtypë ushqimin, është bërë e ditur të hënën në spitalin në fjalë.

Në 16 vitet e fundit vajza i është nënshtruar një trajtimi të jashtzakonshëm mjekësor, me qëllim implantimin e gjuhës në gojën e saj. Sipas kryemjekut Salles, caku i fundit i këtij trajtimi ishte implantimi i një gjuhe artificiale e cila do t`ia mundësonte përtypjen e ushimit dhe aftësinë e të folurit. Për tu bërë e mundur kjo, Auristelës është dashur t`i zgjerohej nofulla.

Dr. Salles, siç ka thënë për medie, se për të realizuar këtë synim ai ka shfrytëzuar një teknikë që, ndryshe, shfrytëzohet te pacientët me këmbë të amputuara.

Auristela ndërkohë është duke kryer një shkollim për infermiere dhe po bën një jetë normale, shkruajnë mediet braziliane.(albinfo)