I digjet shtëpia, kërkon ndihmën e institucioneve komunale

Gjilan – Familja e Nazmi Salihut nga fshati Gumnishtë e Gjilanit ka mbetur pa shtëpi pasiqë të hënën atij i është djegur tërësisht si pasojë e sistemit të vjetruar të rrymës elektrike. Salihu kërkon ndihmë nga institucionet komunale.

Familja e Nazmi Salihut ka pësuar një fatkeqësi të rëndë, pasiqë për pak minuta shtëpia e tij ishte përfshirë nga flakët. “Të hënën gjatë natës derisa ishte një kohë me shi, flakët e zjarrit kanë shpërthyer në shtëpinë time dhe si familje kemi përjetuar një fatkeqësi të madhe. Arsyeja e zjarrit po duket të jetë rryma elektrike dhe sistemi i saj i vjetruar, shtëpia ishte rreth dyzet vjet e vjetër” rrëfen Nazmiu.

Ai thotë se pas shumë përpjekjesh ka arrit që t`i nxjerr jashtë shtëpisë pesë fëmijët e tij të moshës nga 4 deri në 13 vjeçare me ndihmën e gruas time. “Asgjë tjetër nga ajo që ë kishim brenda shtëpisë nuk na ka shpëtuar, qoftë edhe gjërat më të vogla si veshjet e trupit, dhe gjërat ushqimore që kishim na janë djegur” thotë ai.

Në fshatin Gumnishtë është problem çështja e banimit sepse disa shtëpi nga të cilat janë larguar njerëzit janë në gjendje të pabanueshme.

“Unë jam punëtor te k Fabrika e Ujit DEA dhe me rreth 250 euro që marr aty i mbaj familjen time, por tanimë që më është shkatërruar gjithçka e kam të pamundur të mendoj të rindërtoj vet shtëpinë sepse gjithçka është e shkatërruar dhe e djegur . Unë po pres që nga zjarrfikësit e Gjilanit të marr një raport për rastin , por deri më sot ende se kanë bërë gati”tha Salihu./rajonipress/