Fidanishtja

I dërguari i Kancelares Merkel, takon Thaçin dhe Mustafën

/ 2 minuta lexim

Andreas Schockenhoff, deputet i CDU-së në Parlamentin e Gjermanisë dhe i ngarkuar i Kancelares Merkel per Ballkanin, sot ka takuar kryetarin e PDK-së Hashim Thaçi dhe kryetarin e LDK-së, Isa Mustafa.

Schockenhoff, zëvendësshef i Grupit Parlamentar të CDU-së, i njohur edhe si njëri nga bashkëpunëtorët më të ngushtë të kancelares gjermane, Angela Merkel, ka qëndruar sot në Prishtinë, ku në takime të ndara ka takuar Hashim Thaçin dhe Isa Mustafën.

Uji Dea

Siç bën të ditur lajmi.net Schockenhoff sot ka pasur një drekë pune me Isa Mustafen, dhe më pas në darkë ka takuar edhe kryeministrin në detyrë, Hashim Thaçi.

Temë e kësaj darke, e cila sipas burimit të lajmi.net, posa ka përfunduar, ka qenë formimi i institucioneve të reja të vendit. Gjermania thuhet se ka qenë njëra prej vendeve perëndimore që ka zhvilluar rol kyq arritjen e marrëveshjes për koalicion paszgjedhor në mes të PDK-së dhe LDK-së. Schockenhoff, është i njohur edhe për sjelljen në Serbi të shtatë pikave të famshme, të cilat duhet t’i plotësojë Serbia, gjatë rrugëtimit të saj për anëtarësim në BE. Përndryshe ai është i ngarkuar i Kancelares që të merret me Ballkanin.