I dehuri shkakton telashe në komunikacion

Gjilan – Një qytetar shqiptar nën ndikimin e substancave dehëse pasi i kishte gjetur çelësat në garazh e ka marr autobusin Mercedes të firmës “Mimoza 93” i cili ishte i parkuar në garazhë, e ka ndezur autobusin dhe duke e vozitur i ka goditur dyert e garazhës të cilat ishin të mbyllura duke i dëmtuar tërësisht, pastaj i ka goditur edhe dyert e oborrit duke i hapur dhe ka dalur në rrugën kryesore.

Aty e ka goditur dhe rrezuar në tokë një shtyllë metalike për ndriçimin e rrugës. I njëjti ka vazhduar duke e vozitur autobusin rreth 10 Kilometra deri në dalje të fshatit Doberqan, ku kishte humbur kontrollin duke dalë nga rruga dhe aty i kishte mbetur autobusi.

Pronarit të garazhës ju ka shkaktuar një dëm material rreth 2000 €, gjithashtu sipas pronarit edhe autobusi është i dëmtuar pothuajse tërësisht, me një vlerë rreth 25000 €.

Ne konsultim me prokurorinë rasti iniciohet si Marrja në posedim e pasurisë luajtshme, ngasja në gjendje të dehur, dëmtim apo asgjësim i pasurisë ndërsa i dyshuari ndalohet për 48 orë njoftoj Shaban Azizi./rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).