I aksidentuari i mbrëmshëm dërgohet në QKUK, jeta e tij jashtë rrezikut

Gjilan – Në aksidentin e mbrëmshëm në mes të një motokultivatori që ishte pa drita dhe veturës “Mercedes” lëndime të rënda ka pësuar vozitësi i motokultivatorit Naser Ibrahimi (1975). Selami Kurteshi zëdhënës i spitalit tha për rajonipress se Ibrahimi është trajtuar fillimisht në emergjencën e Gjilanit i cili ka pasur lëndime serioze në kafazin e kraharorit dhe pas dhënies së një doze gjaku është dërguar në QKUK, ku jeta e tij tani është stabile.

Në aksidentin e mbrëmshëm në mes të një veture “Mercedes” dhe një motokultivatori lëndime të rënda ka pësuar vozitësi i motokultivatorit Naser Ibrahimi(1975) nga Gjilani dhe tre fëmijët që ishin në shoqëri me të, raporton rajonipress.

Selami Kurteshi zëdhënës i spitalit të Gjilanit tha për rajonipress se vozitësi Naser Ibrahimi fillimisht ka marrë ndihmën e parë në emergjencën e Gjilanit ku është konstatuar se ka lëndime serioze në kafazin e kraharorit dhe pas dhënies së një doze gjaku pacienti është dërguar në QKUK.

Kurteshi tha se nga QKUK është njoftuar se gjendja e vozitësit tani është stabile. Naser Ibrahimi ishte së bashku me tre fëmijë të tjerë në motokultivator të cilët edhe kanë marrë ndihmën e parë dhe pas dhënies në ndihmës dhe pas trajtimit nga emergjenca e Gjilanit ata janë liruar në shtëpi tha Kurteshi./rajonipress/