Hyseni së bashku me Aliun dhe Durmishin inspektojnë punimet në autostradën Gjilan-Prishtinë dhe rrugën Gjilan-Bujanoc

Gjilan – Kryetari i Komunës së Gjilanit, Alban Hyseni, së bashku me ministrin e Mjedisit, Planifikimit Hapësinor dhe Infrastrukturës, Liburn Aliu dhe zëvendësministrin Hysen Durmishi, kanë inspektuar sot punimet në autostradën Gjilan-Prishtinë dhe rrugën Gjilan-Bujanoc.

Hyseni tha se me punë e angazhim të përbashkët mes nivelit lokal dhe qendror, po ia rikthejmë Gjilanit vëmendjen e merituar!

“Rreth 27 milionë euro të ndara për autostradën e Gjilanit për vitin 2023 nga MMPHI dhe 3.2 milionë euro në total për zgjerimin e rrugës Gjilan-Bujanoc, do të shtyejmë përpara këto dy projekte, me përfundimin e të cilave do të krijohet infrastrukturë moderne dhe do të lehtësohet dukshëm jetesa e banorëve të Gjilanit dhe komunave përreth”, ka thënë Hyseni./rajonipress/

Shpërndaje.
© RAJONIPRESS