Hyseni pret në takim përfaqësues të klubeve të karatesë, zotohet se do ta rrisë përkrahjen financiare për sportistët

Gjilan – Kryetari i Komunës së Gjilanit, Alban Hyseni, ka pritur në takim përfaqësues të klubeve të karatesë, së bashku me shumë kampionë të kategorive të ndryshme.

Hyseni u zotua se do të bëjë përpjekje që ta rrisë përkrahjen financiare për sportistët, e në veçanti karateistët, të cilët janë reprezentuesit më të denjë të Komunës së Gjilanit në nivel të Kosovës e më gjerë.

Gjithashtu, Hyseni së bashku me përfaqësuesit e klubeve, diskutuan po ashtu për mundësinë e organizimit të turneut mbarëkombëtar, i cili do të dëshmonte më së miri promovimin dhe përkrahjen e Komunës ndaj kësaj kategorie të sportit.

Përfaqësuesit e këtyre klubeve kanë falënderuar Hysenin për përkrahjen përmes thirrjes publike për mbështetje për klubet, duke theksuar se asnjëherë më parë nuk kanë pranuar përkrahje më të madhe financiare nga Komuna e Gjilanit./rajonipress/

Shpërndaje.
© RAJONIPRESS