Hyseni për Ditën e Evropës: Kosovarët janë evropianë të devotshëm!

Ministri i Punëve të Brendshme, Skënder Hyesni ka theksuar se viti 2016 është viti i progresit të madh dhe të ndjeshëm në marrëdhëniet kontraktuale ndërmjet Republikës së Kosovës dhe Bashkimit Evropian.

Hyseni përmes një postimi në Facebook me rastin e Ditës së Evropës ka bërë të ditur se shpreson që rekomandimi për vizat do të aprovohet edhe nga Parlamenti dhe Këshilli i BE-së gjatë javëve në vijim.

Postimi i plotë:

Të nderuar qytetarë, Miq të dashur,
Sot është Dita e Evropës. Kremtimi i kësaj feste sivjet në Kosovë merr një dimension dhe peshë të veçantë. Viti 2016 është vitit progresit të madh dhe të ndjeshëm në marrëdhëniet kontraktuale ndërmjet Republikës së Kosovës dhe Bashkimit Evropian. Nënshkrimi dhe hyrja në fuqi e Marrëveshjes së Stabilizim-Asocimit është e arritur kulmore, ndërsa rekomandimi i Komisionit Evropian për liberalizimin e vizave është vlerësim i lartë për punën e madhe që kanë bërë institucionet tona për plotësimin e kritereve. Kam besim të plotë se rekomandimi për vizat do te aprovohet nga Paralamenti dhe Keshilli i BE-së gjatë javëve ne vijim.
Gjatë këtij viti poashtu do të shohim edhe të arritura tjera në rrafshin e marrdhenieve kontraktuale me BE-në.
Në këtë ditë, Uroj të gjithë qytetarët e Kosovës, si evropianë të devotshëm!
Urime dhe Gëzuar!