Hyseni pas takimit në Bruksel: Serbia tentoi të hap temën e asociacionit, e refuzuam kategorikisht

Pala kosovare dhe ajo serbe kanë zhvilluar sot në Bruksel takimin e radhës në nivel ekspertësh me ndërmjetësimin e te dërguarit special të Bashkimit Evropian për dialogun, Miroslav Lajçak.

Tema që është diskutuar sot në tryezë ka qenë ajo për pretendimet financiare dhe çështjet e borxhit.

Në përfundim të takimit koordinatori i Kosovës, Skënder Hysni deklaroi se gjatë bisedimit të sotëm nuk është folur për çështjen e bashkësisë së komunave serbe.

“Nuk është diskutuar fare kjo temë. Natyrisht që delegacioni serb ka bërë përpjekje që ta hapë këtë temë, ndërkohë që ne e kemi refuzuar kategorikisht”, u shpreh Hyseni.

Ndërkohë sa i diskuton temës për borxhin e jashtëm, ai tha se, Kosova mbështet parimin e të drejtës ndërkombëtare dhe negocion me Serbinë i shtet i pavarur.

“Nuk ka asnjë mundësi që ne të bisedojmë për këto tema në asnjë rrafsh tjetër”, deklaroi koordinatori i Kosovës.

Hyseni përmendi si rrugë zgjidhje dhe Gjykatën e Arbritrazhit sa i takon kërkesat e natyrës financiare të Serbisë lidhur me borxhet që janë marrë në kohën e ish-Jugosllavisë.

Ai shtoi se Kosova mund të pranojë të paguajë vetëm për huatë që janë investuar në territorin e saj në vepër madhore.