Hyseni nuk e di sa kosovarë ikën në BE

Qeveria e Kosovës nuk e ka idenë se sa është numri i personave që kanë lëshuar Kosovën për të emigruar jashtë vendit, gjatë muajve të fundit. Por tregojnë se gjatë dy muajve të këtij viti, janar dhe shkurt, në Kosovë janë riatdhesuar 1571 persona.

Ndërkohë, që ende është e paqartë nëse personat e kthyer do të kenë mundësi që të përfitojnë nga fondi i Qeverisë për t’u ndihmuar që të rifillojnë jetën në vendin e tyre, duke pasur parasysh që ata do të kthehen edhe më të varfër se që janë larguar.

Për këtë çështje është folur të hënën, në Komisionin për Integrime Evropiane, ku ka raportuar ministri i Brendshëm, Skender Hyseni, i cili tha se nuk e di saktë se sa është numri i atyre që kanë lëshuar Kosovën gjatë muajve të fundit./zeri/