Hysaj pasardhësi i Lahmit te Bayerni

Pas shumë aludimeve me faktin se Elseid Hysaj ka qenë nën vëzhgimin e Bajernit të Mynihut, tani gjërat qartësohen. Mbrojtës shqiptar përfundon sërish në radarin e kampionëve gjermanë, të cilët janë vënë në kërkim të një mbrojtësi të djathtë.

Kjo gjë vjen pas lajmit të dhënë nga Filip Lam, i cili ka deklaruar se në fund të sezonit do të tërhiqet nga futbolli i luajtur.

Tashmë drejtuesit bavarezë po kërkojnë pasuesin e tij, ku mes shumë emrash figuron edhe ai i Hysajt i cili është duke bërë mjaft mirë në sezonit e tij të dyte me Napolin.

Sipas asaj që shkruan “Footmercato.com”, në kandidaturat që Bajerni po shqyrton mbrojtësi i Napolit zë një vend të rëndësishëm, por duhet marrë parasysh fakti se për Hysajn ka mjaft konkurencë edhe nga klube të mëdha të Europës.