Hysaj nuk do të vazhdoj me Napolin, skuadra madrilene futet në garë për të

Mbrojtësi i Kombëtares së Shqipërisë, Elseid Hysaj, është gjithnjë e më afër largimit nga skuadra e Napolit, përcjell “Zeri.info”.

Hysaj nuk po mund të gjejë një vend në formacionin bazë të trajnerit italian, Gennaro Gattuso dhe është duke shqyrtuar mundësi të tjera.

Sipas mediave italiane, bëhet e ditur se edhe agjenti i lojtari, Mario Xhufredi ka thwnw se Hysaj nuk do ta djerësisë fanellën e Napolit edicionin tjetër.

Gjithnjë sipas mediave italiane, për Hysajn ka shprehur interesim lideri momental i La Ligës, Atletico Madridi.

Në rast se ndodh kalimi i Hysajt në “Wanda Metropolitano”, ai do të transferohet atje si lojtar i lirë, pasi që kontrata i skadon këtë verë me Napolin. /Zeri.info