Hysaj në radarin e Chelseat, Unitedit dhe Liverpoolit

Chelsea, Manchester United dhe Liverpooli thuhet se po ndjekin mbrojtësin e krahut të djathtë të Napolit, Elseid Hysaj.

Sipas Alfredo Pedulla të Sportitalia, shqiptari ka një klauzolë lirimi prej 50 milionë eurove, e cila do të konsiderohej e përballueshme për tre klubet angleze.

Pedulla shpjegon se Chelsea tashmë ka takuar disa herë agjentin e shqiptarit, Mario Giuffredi.

The Blues e konsideron 24-vjeçarin si lojtar kryesor për të zëvendësuar Davide Zappacostan, i cili nuk i ka përmbush pritshmëritë në Stamford Bridge.

Sidoqoftë, skuadra e Antonio Conte do të ballafaqohet me konkurrencën e Unitedit, të cilët gjithashtu janë ‘shumë të interesuar’ pasi që pritet largimi i Matteo Darmianit.

Gjithashtu edhe gjysmëfinalistët e Ligës së Kampionëve, Liverpool po mundohet ta transferojë futbollistin tonë.

Theksojmë se Hysaj deri tashmë është paraqitur në 41 ndeshje për napolitanët, duke luajtur edhe në krahun e majtë pas lëndimit të Faouzi Ghoulamit. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).